السلام عليكم
اليوم بشرح لكم شلون تطلبون من كام فور سيل
طريقه الطلب جداً سهله ، والجميل أن الطلب يجيك في نفس اليوم
طبعاً أنا اطلب بالفيزا مافيه حوسه البطاقه العاديه
مره قد طلبت منهم وكانت الكاميرا من كانون بس الريموت كان من شركه نيكون ما انتبهت له ، اتصلوا علي وسألني علشان يتأكد إذا انا ابي الريموت لكانون ولا لنيكون قل لكانون قال انتي غلطتي في الطلب اجل وعدلوه لي وارسلوا لي الكاميرا والريموت كانون
تعاملهم جداً رائع ومحترمين ، والله يوفقهم
أول خطوه تسجل في الموقع
وتعبى البيانات تعبئه صحيحه ، وواضحه في الموقع
تختار/ين الأغراض اللي تبيها/نها وتضاف في سله المشتريات
اذا انتهيت من الأغراض ، اضغط على الدفع
تعبي بياناتك تعبئه صحيحه
مافيه خيار شحن إلا واحد ومجاني بعد وفي نفس اليوم "شي جداً رائع "
المناطق الثانيه اللي داخل السعوديه مجانا بس من يوم إلى يومين
الحين فيه خيارين للدفع فيه بالبطاقه الإتمانيه " فيزا" وافضلها لأن مافيها متطلبات
اما بالتحويل البنكي ، هي بطاقتك العاديه وماقد جربته بس اتذكر انك لازم ترسل لهم معلومات التحويل يعني باسم مين التحويل والمبلغ اللي حولته ، ما ادري اذا تغير ولا لا بس ما اتوقع
وبعد ماترسل الطلب ، تدفع لهم
وبتوصل لك في نفس اليوم اذا انت من اهل الرياض
وأي سؤال تفضلوا اسألوني :)
ليست هناك تعليقات:
إرسال تعليق