السلام عليكم
بما انها قربت الاجازه الصيفيه فحبيت اشارككم برحلتي لتريكا
طبعاً زرنا اسطنبول طرابزون - اوزنغول
كنا على الطيران السعودي كلفنا يمكن 14 وفيها
عددنا 5 كبار و طفلتين
طبعاً السعر كان نازل لأن وقت الحجز كان بعيد عن تاريخ السفر اتوقع ٣ شهور
كنا مسافرين في في july بدايته كان رمضان :)
انا رحلتنا كانت اغلبها طرابزون وازنجول طبعاً فيه اماكن كثيره مارحنا لها في اسطنبول بحكم المده وتحسفنا انا قصرنا مده اسطنبول تستاهل اكثر :(
واللي تحسفنا انا سويناه انا خلينا اسطنبول اول الايام علشان التسوق فما بردنا حرتنا في التسوق علشان هم شيل الاغراض خذنا اللي نقدر عليه وخفيف
كنا مسافرين في في july بدايته كان رمضان :)
انا رحلتنا كانت اغلبها طرابزون وازنجول طبعاً فيه اماكن كثيره مارحنا لها في اسطنبول بحكم المده وتحسفنا انا قصرنا مده اسطنبول تستاهل اكثر :(
واللي تحسفنا انا سويناه انا خلينا اسطنبول اول الايام علشان التسوق فما بردنا حرتنا في التسوق علشان هم شيل الاغراض خذنا اللي نقدر عليه وخفيف
والأهم التركيين موب نفسيه بالعكس حبوبين مدري ليش الناس يعطونا فكره سيئه عنهم
طرابزون وازنغول السكان مايعرفون انجلش فكنا نتعامل بالاشاره أو مترجم قوقل
النت كنت مفعله من موبايلي 3G وفاتحته للبيت كامل
شهر كامل مفتوح اذا تبون السعر الأكيد اتصلوا على موبايلي هههه
عزيزاتي البنات فيه سوق صديقتي عطتني اياه في اسطنبول في الجزء الاسيوي للأسف ما امداني اروح له لأن كانت بكره روحتنا للطرابزون
عموما اسمه ارتكوي ، تقول اكسسواراتهم مره حلوه ورخيص وكلوا بطاطسهم !!
الحين نجي نتكلم عن السفره
اول شي سكنا في اسطنبول في هذا الفندق افضل مافيه انه قريب من المناطق السياحيه فقط
يعني ما اتوقع مره ثانيه اسكن فيه بس صاحب الشقه محترم ومكتبه قريب من عندك
قريب مره من جامع السلطان أحمد
وهذي حديقه قريبه من الشقه
وللي حاب يسكن في الشقه المطل على البحر معناته
الحين أول منطقه رحنا لها وقريبه من الشقه ، كان قدامها ذاك الأسبوع بازار
جامع السلطان أحمد " المسجد الأزرق "
وهنا صوره له في يوم ممطر
وهنا مقطع فيديو في حسابي في instgram للاذان
https://instagram.com/p/pt3NoMqKA1/?taken-by=nourahmz
طبعاً السميت غني عن التعريف لازم اذا رحتوا تذوقونه وتلقونه في كل مكان
وهنا منطقه قريبه من السلطان احمد اتوقع من وراه
ما فكرنا نروح للاستقلال زحمه مره على ماسمعت فنبي اماكن فاضيه موب زحمه
طبعاً هذا الايسكريم طعمه ماش ، ابد شروه اخواني من هنا وذبوه على طول
اتوقع كانوا يحسبونه فانيلا ههههه
هنا مقطع لصاحب الايسكريم يستهبل ههه
ورحنا ل السوق الموقوف بالميترو كل شي واضح وسهل وبعد قريب من هالمنطقه
مدري ليش عندي هالصوره الى الان مستغربه ليش صورتها ههه
طبعاً محطوط علامات ممنوع التصوير بس للأسف ماقدرت امسك نفسي
الأمهات بيستانسون من المواعين هنا
ونصيحه البهارات خذوا كثير لا تقلقون لأنكم لا رجعتوا للسعوديه بتتحسفون " امي"
و شاهي الرمان اشوف عائلتي الكريمه ادمنته جربوه قبل لا تشترونه بعدين ابتلش
طبعاً للأسف ماعندي ترتيب الايام بس عموما هذي الأماكن اللي رحنا لها
ورحنا بجوله في النهر تلقون الناس هذولي في كل مكان وكل واحد عنده عرض لا تروحون مع أول واحد فيه واحد عطانا سعر غالي بعدين جانا واحد ثاني وعطانا سعر معقول ويقول مسوي لكم عرض ونزل السعر شوي ياحليله
عموما تلقونهم في هالمنطقه نفسها ، وهم بيمشونك لين ماتوصل للسفينه
وهذي صوره خذتها ، وطبعاً تستمر ساعه ونص الى ساعتين
وكان هذا اخر يوم لنا هناك ، وعلى اخر يوم قالوا ان بكره رمضان
طبعاً من مطار تاتورك الى مطار طرابزون
طبعاً حجزنا على هذا الطيران
كلفنا كلنا يمكن 3 الاف ، عموما طريقه الحجز جداً سهله اذا حابين اشرحها ماعندي مشكله
السكن هناك انصدمنا منه مره ، عموما ماراح احطه لكم علشانه مايستاهل السكن فيه
وصاحب العماره كان مسافر هذيك المده ومخلي واحد من اصدقائه ماسك السكن
عموماً التنقل هناك كان مع شركه سياحيه والحين السواق صار له حساب في انستقرام لحاله
اسمه نعيم ، ويتكلم انجلش تكلفته كانت في اليوم ١٢٠ علشانه كان يشتغل مع الشركه
الحين تكلفته ١٠٠ دولار ، وطبعاً الديزل عليك فكان يختلف من يوم ليوم التكلفه بس ماتتعدى ٧٠ دولار
و٥٠ دولار
وهذا حسابه في انستقرام وفيه كل المعلومات
طرابزون الجو فيها رائع جداً طبعاً السكن مايكون غالباً فيه تكييف علشان الجو يكفي
هناك رحنا مع الجدول السياحي اللي مسويه لنا المكتب
عموما فيه مغاره نسيت اسمها ما تستاهل العنوه مره بس كانت بارده مره ماعندي لها صور من داخل كان ظلام مره
بس هذي شكلها من برا
بعدين رحنا لمرتفع حيدر نبي وكان فيه عائله تركيه ومافيه الا هالمطعم عموما اكله لذيذ
طبعاً بارده مره شوفوا اختي لابسه الجاكيت هههه
بعدها رحنا ل بحيره السمك
الذاكره عندي ماش بس رحنا لمطعم حلو ومطل على بحيره
شفتوا هذوليك الأشياء اللي على شكل بط تأجرونها وتركبونها
وطبعاً فيه بطات جت العائله اللي كنا متعرفين عليهم يأكلونها هاوشونا قالوا لا توكلونهم خبز
طبعاً رحنا لمنطقه مدري وش اسمها قالنا نعيم عنها
عموما فيها هاللعبه ممتعه جداً لازم تجربونها
وركبنا القارب في هالنهر معنا ٢ علشان واحد ماشاء الله عليه معه جوائز واجده والثاني اتوقع يساعده
كان ب ١٠٠ ليره اتوقع ل٥ اشخاص
للأسف الذاكره موب مره قويه في الأسعار بس كأنه كذا ههه
بعدها رحنا اوزنغول الحب الجو هناك جميل جداً جداً
طبعاً اونغول تعتبر مكان العرب الثاني ثلاث ارباعهم خليجيين
ورحنا لأيدر اذا ماخانتني الذاكره
ولقينا فيها الخيل هذا
وسكنا في هالسكن
https://www.booking.com/hotel/tr/inceli-pansiyon.ar.html?sid=d37b9705ba30e975ee72fd22a5dba9fd;dcid=2
هذا مطل غرفتي
الفطور طبعاً مع كل السكن اللي كنا فيه
هذي اوزنغول
طبعاً السياكل تأجر عندهم واسعارها كانت معقوله عندهم
مسجد طرابزون اللي مابعد خلصوه
هذا الممشى انشراح صدر على يسارك نهر وعلى هالمنظر
هالمنطقه تمنيت انا ساكنين فيها عموما الجو مره جميل امطار
طبعاً هذي مزرعه سمك هههه
تشترون من عندهم سمك بعدين اشووهم للأسف ماسوينا كذا للأسف
بعدها رجعنا لطربزون وسكنا هناك يوم علشان طيارتنا
وافطرنا في هالمطعم نفسه ابو البط
وهذي طيارتنا اللي بترجعنا لاسطنبول
وبكذا نودع طرابزون
طبعاً في المطار انتظرنا ٣ ساعات لرحلتنا للرياض
طبعاً الدرايش مره نظيفه فعلشان كذا ماصورت
اتمنى اني افدتكم وأي سؤال تفضلوا اسألوا
ليست هناك تعليقات:
إرسال تعليق